BUTUAN CITY – Nakaginhawa na og lu-ag ang kabanay sa tulo ka mga mountain climbers nga pila ka adlaw nang na-missing human misaka sa Mt. Balatukan trails, sa lungsod sa Balingasag, Misamis Oriental. Nasayrang pila ka adlaw nga na-missing sa maong bukid sila Raine Kassiopeia Fama, 12-anyos; Dan Dave del Rosario, 18-anyos ug Christian Daryl Tapiru, 28-anyos, pulos residente sa lungsod sa Nasipit, Agusan Del Norte.
Nasayran nga pasaka na usab unta kaganinang buntag ang mga laing grupo sa mountaineer nga mutabang sa pagpangita apan mibalik sila sa agi human naka-text ang mga climbers nga nakakanaog na sila pero didto na sa tiilan sa lungsod sa Claveria sa susamang lalawigan.
Nasuta nga uban nilang misaka sa maong bukid ang taga-Butuan apan wala pa makakanaog ang tulo sukad nakasinati og dili maayong lakat sa panahon ang nasangpit nga bukid.
