BUTUAN CITY – Mag atubang sa kasong act of lasciviousness ug uban pang patong patong nga kaso ang tulo ka promodiser sa usa ka mall ning syudad sa Butuan human nga nasikop sa gipahigayong follow up investigation sa Butuan City Police Office.
Sa eksklusibong pakighinabi sa Bombo Radyo Butuan sa Biktimang si Nheizty Tradio 24 anyos usa ka sales lady sa Gaisano Mall og residente sa Bgry. Bilay sakop ning dakbayan sa Butuan. Gikabutyag niining pursigido siyang mupasaka og kaso batok sa iyang kainom nga sila Gabriel Serrano ug laing 3 ka mga kaubanan niini.
Saysay pa sa biktima nag inom inom matod pa sila kagabie isip pag selebrar sa birthday sa ilang katrabaho sa P3 Banana, Village, Brgy. Bancasi, Butuan City.
Siya nalang matod pa ang nabilin nga babae kauban ang 4 ka suspek hinungdan nga pasado ala una sa kaadlawon dihang nananghid siya nga mopauli na pero nibalibad matod pa ang mga suspek og gikasa kasahan pa siya og kalibre 45 nga pistola dayong hanggat nga mangatulog na silang lima sa usa ka kwarto.
Tungod sa pasangil nga kasukahon hinungdan nga nakakita og kahigayunan ang biktima nga makaikyas. Tungod sa dili pamilyar nga lugar nakahiagom kini og samad sa tiil og garas sa uban pang parte sa lawas sa iyang pag tago tago hangtod nga nakapangayo siya og tabang.
Samtang sa laing pakighinabi gihimakak sa suspek nga si Gabriel Serrano 26 anyos ang alegasyon sa suspek nga matod pa nadala lang sa ilimnong makahubog. Sa karon gikustodiya na sa BCPO 3 ang tulo ka suspek kinsa gilaumang magselebrar og bag-ong tuig sa karsel og gikatakdang ipailawom sa inquest proceeding.
