BUTUAN CITY – Ugdaw ang tulo ka panimalay sa Purok Riverside Barangay Tubo-tubo, Cagwait, Surigao del Sur, samtang partially damaged usab ang lain pang tulo.
Sumala ni Kapitan Tubo-tubo Jicres Luna, nagsugod matud pa ang sunog human dunay nabiyaan nga nilung-ag nga saging gamit ang LPG sa panimalay nila ni Sally Selbusa.
Nagsugod ang maong sunog bandang alas 2:30 sa hapon ug nahuman kini alas 4:30 ang takna usab karong adlawa.
Sa initial nga tala, totally damaged ang tulo ka balay kansa gipanag-iyahan nila ni Dina Tugbo, Sally Senbusa, ingon man Roberto Dapiasan. Samtang Partially damaged usab ang panimalay sa Timcang Family, ingon man kang Zacarias Bosio, ug ang panimalay ni Mariano Selbusa. Apan sumala sa maong kapitan nga pwede pang mapuy-an mga balay partially damaged nga kabalayan.
Subay niini, gisaad usab sa maong kapitan ang hinanaling tabang ngadto sa mga apektadong pamilya.
Sa kasamtangan, kamulo pa ang assessment sa kabumberohan ilabi na sa kinatibuk-ang damyos sa mga nasunog nga panimalay.
Sayran nga dali rang ning kuyanap ang kalayo tungod kay sulod sa unom ka mga apektadong panimalay, usa raman niini ang gama sa heavy materials, kansang balay gipanag-iyahan ni Dina Tugbo.
