BUTUAN CITY – Tulo ka mga Lebanese journalists ang namatay human gi-target sa airstrike sa Israel ang ilang media vehicle sa sa lungsod sa Jezzine sa southern Lebanon, kondiin lakip sa namatay sila Ali Shoeib, usa ka reporter sa Al Manar TV, ug ang mga reporters sa Al Mayadin nga sila Fatima Fetoni ug Mohamed Fetoni.
Gikondena ni Lebanese President Joseph Aoun, ang insidente ug gitawag kini nga usa ka klarong krimen nga milapas sa internasyonal nga balaod, diin ang mga journalists kinahanglan panalipdan ilabina sa panahon sa gubat.
Gikumpirma sa militar sa Israel nga ilang gipatay si Ali Shoeib sa maong strike, apan ilang gi-akusahan nga siya usa matud pa ka membro sa Hezbollah nga nagpaka-aron-ingnon lang nga journalist. Ikaduha na kini nga higayon nga gi-akusahan ang Israel nga nag-target og mga journalist sa Lebanon sukad nagsugod ang gubat.
Sa mi-aging semana, si Mohammad Sherri ug iyang asawa namatay usab human matud pa gi-target nga strike.
Sa pagkakaron, kapin 1,100 ka sibilyan na ang namatay sa mga airstrike sa Israel sa Lebanon, lakip ang 120 ka bata ug 42 ka paramedics.
Daghan sa Lebanon ang nabalaka nga gigamit sa Israel ang susamang taktika nga gi-akusahan usab niini sa Gaza—lakip na ang pag-target sa mga sibilyan, journalists, ug paramedics—nga padayon gihapon nga gipanghimakak sa Israel.
