BUTUAN CITY – Mitala og tulo ka insidente sa pagpanulis ang probinsiya sa Agusan Del Sur kaganina.
Sa impormasyong nakuha ning sibyahan, unang nahitabo ang pagpanulis sa may PUrok-4, Barangay Langkilaan, Trento, Agusan Del Sur pasado alas 12:00 sa udtu diin gituli ang panelo sa segarilyo diin natangag sa mga suspetsado ang 20-mil pesos nga kantidad sa kwarta.
Samtang namaligya sa ilang produkto ang mga biktima nga sila Dithier De Lara og Ryan Taglucop nga parehong residente sa Barangay Obrero, Butuan City, kalit nga mitunga ang tulo ka mga suspetsado bitbit ang mubo nga klase sa armas o mideklarang tulis og daling misibat human usab nakakuha og kwarta.
Nasundan kini pagdangat sa alas 2:00 sa hapon diin gitulis ang sakyanan sa frozen product sa may Purok-1 Boan, Barangay Wasian, Rosario, Agusan Del Sur og muabot sa 125-mil pesos ang nakuhang salaping cash.
Samtang pag-abot og alas 4:00 sa hapon, ang kauban sa panel sa segarilyo nga unang gitulis, nabiktima usab sa mga tulisan sa may Purok-2, Barangay Lapinigan, San Francisco, Agusan Del Sur. Ning higayona muabot ssa 23-mil 500 pesos og tulo ka rims sa segarilyo ang nadala sa wala pa mailang mga suspetsado.
Sa karun padayon pa ang imbestigasyon sa kapulisan diin gitoohang susamang mga suspek ang mihimo sa kremin.
