BUTUAN CITY – Giangkon ni Bise Presidente Sara Duterte nga gikonsiderar sa amahan niini nga si kanhi Presidente Rodrigo Duterte nga molansad isip senador karong 2025 midterm elections.
Gawas sa kanhi presidente, gikataho usab sa nauna nga mokandidato sila si Davao City 1st District Rep. Paolo “Polong” Duterte ug Davao City Mayor Sebastian “Baste” Duterte sa susamang posisyon.
Kahinumdoman nga gikabutyag na sa kanhi presidente niadtong 2021 nga modagan pagka Senador, dungan sa tinguha nga ayuhon niini ang pipila ka mga problema sa iyang Partido.
Sa laing bahin, gikompirmar ni VP Sara nga nangandam na ang ilang pamilya alang sa 2028 presidential elections, diin si Mayor Baste ang gituboy sa ilahang inahan aron modagan pagka-presidente.
Sa kabahinan usab sa Bise Presidente, mobalik kini sa lokal nga pangamhanan sa Davao, diin plano niini nga molansad pag-usab isip Mayora.
