Butuan City-Laing tulo ka brand sa Covid-19 vaccines ang dungan nga miabot sa rehiyon kagahapong adlawa.
Pasado alas-7 sa buntag , nahidangat sa Bancasi Airport ang anaa sa 1,200 ampoules sa Gamaleya (Sputnik V) Component II, 6,045 vials sa Pfizer ug 56,000 vials sa Sinovac Vaccines alang sa mga bakunahang indibidwal dinhi sa Caraga.
Gilayong gidala sa cold-room storage facility ang Sinovac ug Gamaleya Sputnik V Component II sa Doongan, Butuan City aron mapabilin ang integridad ug ka-epektibo niini.
Samtang ang Pfizer vaccines dayong gidala ngadto sa mga LGUs nga maka store sa ilang standard temperature.
Gipangunahan ni DOH CHD-Caraga Pharmacist Rochie Ramos, sa pakig-alayon sa FDA-ROXIII personnel ug PNP Caraga, ang pagsugat sa maong mga bakuna.
Subli usab nanawagan ang Department of Health-Caraga sa publiko nga molambigit na sa vaccination program sa gobyerno aron maprotektahan ang kaugalingon, ug pamilya sa makamatay nga virus.
Samtang, anaa pinak-ulahing datos sa DOH-Caraga as of September 21, 2021 anaa na sa 382,861 ang kinatibuk-ang indibidwal nga nabakunahan batok covid-19 sa intero rehiyon.
