BUTUAN CITY – Padayon karung dili paagi-an sa dagkong mga sakyanan ang tulay sa Sta. Josefa, Agusan Del Sur human milihok ang usa sa mga pondasyon o haligi niini tungod sa pagbaha. Kini samtang gihimo ang imbestigasyon kung unsa kadako ang kadaot nga na-angkon sa tulay.
Sigon ni Engr. Ben Alden Serna, district Engineer sa Department of Public Works and Highways kon DPWH-Agusan del Sur 2nd District Engineering Office, obserbahan pa ang maong tulay rason nga dili una kini paagian sa mga sakyanang molapas sa 2-mil kilos ang gibug-aton tungod kay kritikal pa ang kondisyun.
Apektado niini ang mga lungsod nga Sta. Josefa, Loreto og Lapaz.
Gibutyag pa sa opisyal nga 40 ka tuig na ang maong tulay ug wala pa sila’y kahimanan sa pag-ayu niini rasong gipaabot nanila kini sa regional office nga nagpadala og technical expert nga misusi sa maong tulay.
