BUTUAN CITY – Naguba sa Ukrainian Forces ang strategic bridge nga gigamit sa Russia atol sa pagsakop nila sa Kursk Region partikular sa lungsod sa Glushkovo diin kini nahimutang.
Gigamit ang maong tulay sa Kremlin sa pag-supply og mga bala ug mga gamit panggyera sa Russia, apan karon nga dili na kini ma-agihan, mamahimo matud pang malangan ang Russia pag-supply sa ilang mga tropa.
Sumala ni Ukrainian President Volodymyr Zelensky, mahimo matud pang makig swap na lang ang Russia sa mga na-ilog usab niini nga teritoryo sa Ukraine bugti sa ubang mga lugar nga nakuha sa Ukraine sa Kursk, ilabi na karon nga mas naglisod pa ang Russia tungod sa nagubang tulay.
Luwas ang kahimtang sa 120-mil ka mga tawo sa Kursk Region taliwala pa man sa pagpamomba sa Ukraine.
