BUTUAN CITY – Aduna pay igong suplay sa tubig ang estado sa Northern California taliwa sa padayong pakigkumbate sa mga otoridad sa lapad nga wildfire sa maong estado.
Sa pakighinabi sa Bombo Radyo Butuan, gipadayag ni Greg Hontiveros, OFW sa Central Valley sakop sa maong estado ug lumad nga taga Butuan City, taliwa nga aduna pa sila’y igong suplay sa tubig apan gibantayan na usab kini sa mga otoridad labi na ang level niini.
Apan aduna hinuo’y dam sa mga kasikbit nga estado ang mamahimong kuhaanan og suplay sa tubig.
Sumala niini taliwa nga kompleto sa gamit ang mga bumbero sa pag-palong sa maong wildfire apan naglisod gihapon sila tungod sa kadako ug kalapad sa sunog.
Kamatuoran niini daghan na usab nga mga indibidwal ang mibulontaryo pagsalmot sa pagpalong sa maong sunog kansa mao ang pinakadako ug pinakalapad nga sunog sa kasaysayan sa estado.
Giklaro pa niining dili populated area ang nalamoy ug padayong gilamoly sa mga kalayo kondili ang kalasangan lang.
Dugang ni Hontiveros, prayoridad sa mga firefighters ang paghikling una sa mga tawong anaa pa sa lugar.
Wala usab niini gilimod nga nagpalangan sa operasyon sa otoridad ang hulga sa COVID-19 ilabi sa mga gihikling.
Gidugang niini tungod sa lapad nga kalayo, aduna na usa’y mga mananap ng nangdayo na sa pinakaduol nga lungsod dungan sa pagdayag nga taliwa nga layo ra ang iyang nahimutangan apan klaro kaayo ang baga nga aso nga mihabol sa kawanangan nga daw gabie pa ang ilang adlaw.
Usa usab sa nagpagrabe sa wildfire mao ang pagtunhay sa dry-season ug paghuros sa kusog nga hangin hinungdan paspas ang pagkuyanap sa kalayo.
Gawas sa mga umahan ug balay sa mga iladong tao ug mga pulitiko, wala usab gipasaylo sa sunog.
Sa pagsulat niining balita, kapin 2,000 na ka mga kabalayan ug ubang building ang gilamoy sa maong sunog ug dili na usab mu-ubos sa 15 ang patay.
