-- ADVERTISEMENT --
BUTUAN CITY – Gipa-amping na ang tanang mga Cabadbaranons tungod sa pagtaas na sa water level sa Cabadbaran River nga mi-abot na sa yellow alert.
Tungod niini, gi-activate na sa City Disaster Risk Reduction and Management Office kon CDRRMO ang ilang Early Warning System (EWS) dayong pahibalo sa mga komunidad nga delikado na ang sitwasyon ug kinahanglang magmatngon ug mag-andam na sa mga emergency kits.
Kaganinang buntag, duna na usa’y natala nga pagka-kankan sa yuta duol sa Cabadbaran River sa Brgy. 7 hinungdan sa pag-alerto karon sa mga residente sa maong lugar.
