BUTUAN CITY – Naghimo na og pre-emptive evacuation ang lokal nga panggamhanan sa Tubay, Agusan del Norte human misaka ang water level sa kabaybayuanan diin gi-ubanan pa sa kusog nga hapak sa balod ug sa taub.
Sumala ni Jimmy Caballos, ang tigpamaba sa Municipal Disaster Risk Reduction and Management Office kon Tubay MDRRMC, partikular nilang gipahikling ang mga lumolupyo sa Poblacion 1 Punta Gracia, ingon man sa Poblacion 2 Reclamation Area nga anaa na sa evacuation center sa nasangpit nga mga barangay.
Bisan og duna gayu’y mga tawo nga dili gustong muhikling, gipaniguro niini nga wala matud pa nagkulang ang lokal nga pangamhanan sa pagpahibalo sa ilang mga lumolupyo.
Kung managhan na unya ang mga tawo sa mga evacuation centers, duna na matud pay back-up plan ang ilang buhatan.
Ang pamahayag ni Jimmy Caballos sa pakighinabi ning sibyahan.
