BUTUAN CITY – Gilibkas na ang mga tsunami warnings sa baybayon sa United States coastlines apil na sa Japan human ang magnitude 8.8 nga linog nga mitay-og sa far eastern coast sa Russia kansa nagbutang sa rehiyon sa taas nga alerto.
Bisan pa, gi-awhag usab sa National Weather Service Official, nga magpabiling magbinantayon sulod sa 24 ka oras, hangtud nga dili pa mubalik sa normal ang balud sa kadagatan.
Kini human nga ang unang hugna sa tsunami waves, mi-igo sa Russia ug Japan, kondiin dul-an sa 2 milyunes ka mga tawo ang gipangbakwit.
Nasuta nga ang mga balud, naka-abot sa mga baybayon sa Hawaii, California, Oregon, Washington ug Alaska. Ang kusog nga 8.8 magnitude nga linog natala nga ika-unom nga labing kusog nga linog sukad pa kaniadto ug wala’y natalang casualty sa Russia.
