BUTUAN CITY – Gikansela na ang gi-isyu nga tsunami warnings sa National Tsunami Warning Center ngadto sa dul-an 5 milyunes ka mga tawo nga anaa sa kabaybayunan sa Northern California ug Oregon human gitay-og sa 7.0-magnitude nga linog ang California coast.
Mitay-og ang linog pasado alas-10:44 sa buntag oras sa maong nasud sa lokasyong 60 milyas sa habagatang kasadpan sa Ferndale, California. Una nang gibutyag sa US Geological Survey, ang tsunami warnings maggikan sa Davenport, California, hangtud na ngadto sa Douglas, Oregon, apil na sa San Francisco Bay area ug sa Eureka, Oregon.
Nakatala na usab og ubay-ubay nga mga aftershocks sukad ang unang pagtay-og nga miputol sa linya sa kuryente sa Humboldt County nga naka-apekto na sa kapin 10-mil ka mga tawo.
