BUTUAN CITY – Gipa-ilalom na sa Philippine Atmospheric, Geophysical and Astronomical Services Administration (PAGASA) ngadto sa Tropical Cyclone Wind Signal Number 3 ang pipila ka bahin sa mga lalawigan sa Pangasinan ug La Union tungod sa bagyong Emong.
Base sa pagbana-bana sa PAGASA, Signal Number 3 ang gi-isa sa mga siyudad sa Anda, Bolinao, ug Bani sa lalawigan sa Pangasinan, samtang sa La Union mao ang Bacnotan, San Juan, San Fernando City, Luna, ug Balaoan.
Base sa datos sa PAGASA, nasigpatan ang sentro sa bagyo sa 245-kilometro sa kasadpang bahin sa Bacnotan, La Union dala ang huros sa hanging mu-abot sa 110-kilometros matag oras (kph) ug buylo nga moabot og 135 kph.
Signal Number 2 usab ang Ilocos Norte, Ilocos Sur, nahabilin nga parte sa La Union, kasadpang bahin sa Apayao (Conner, Kabugao, Calanasan), Abra, Kalinga, Mountain Province, Ifugao, Benguet, ug tunga-tungang bahin sa Pangasinan (Agno, Burgos, Mabini, Alaminos City, Sual, Labrador, Bugallon, Infanta, Dasol, Lingayen, Binmaley, Dagupan City, Calasiao, Sta. Barbara, Mangaldan, Mapandan, Manaoag, Laoac, Binalonan, San Manuel, San Nicolas, Pozorrubio, Sison, San Fabian, San Jacinto), ug kasadpang bahin sa Nueva Vizcaya (Kayapa, Sta. Fe).
Samtang signal Number 1 sa Batanes, Cagayan apil na ang Babuyan Islands, kasadpan ug tunga-tungang bahin sa Isabela (Santo Tomas, Delfin Albano, Quezon, Mallig, Quirino, Roxas, San Manuel, Aurora, San Mateo, Ramon, Cordon, Burgos, Cabatuan, Cabagan, San Pablo, Sta. Maria, Tumauini, Gamu, Luna, Maconacon, Alicia, San Mariano, Naguilian, San Guillermo, Cauayan City, Echague, Ilagan City, Angadanan, Benito Soliven, Santiago City, Reina Mercedes, San Agustin, Divilacan, San Isidro, Jones), nahabilinh bahin sa Nueva Vizcaya, Quirino, nahabilin nga bahagi sa Apayao ug Pangasinan, amihanan ug tunga-tungang bahin sa Zambales (Sta. Cruz, Candelaria, Masinloc, Palauig, Iba, Botolan, Cabangan), Tarlac, ug kasadpan ug tunga-tungang bahin sa Nueva Ecija (Carranglan, Lupao, Talugtug, Cuyapo, Nampicuan, Guimba, Science City of Muñoz, San Jose City, Pantabangan, Rizal, Llanera, Talavera, Sto. Domingo, Quezon, Licab, Aliaga, Zaragoza, San Antonio, Jaen, Cabanatuan City, Sta. Rosa, General Mamerto Natividad, Palayan City, Bongabon, Laur).
Gilauman nga mu-agi ang bagyong Emong sa lalawigan sa Pangasinan unyang hapon ug posible kini mag-landfall sa Ilocos Region karong gabii o sayong buntag ugmang adlawa.
