BUTUAN CITY – Parehong mitambong sila United States Kamala Harris ug Donald Trump sa 9/11 terror attack commemoration kagabie, oras sa Pilipinas, pila ka oras lang usab human sa ilang pinaka-unang debate alang sa 2024 US presidential election.
Makita usab ang duha nga nagkinumustahay pa sa ilang pag-abot sa 9/11 Memorial Plaza sa Ground Zero sa New York City, diin naka-uban usab nila si President Joe Biden, lakip na si New York City Mayor Michael Bloomberg ug ang running-mate ni Trump nga si Senador JD Vance.
Nasayrang bisitahon usab ni Harris ug Trump ang Flight 93 Memorial sa Shanksville karong adlawa, apan wala pa mahibal-i kung dungan ba silang mangabot sa maong dapit.
Sigon sa White House, mutambong si Harris ug President Biden sa wreath-laying ceremony sa nasangpit nga memorial.
