BUTUAN CITY – Gikumpirma ni United States President Donald Trump nga mi-uyon na ang Israel sa mga importanteng kondisyon aron mapinalisar na ang 60 ka adlaw nga ceasefire sa Gaza.
Sa iyang post sa Truth Social, gipadayag sa presidente nga atol sa proposed deal, makig-alayon sila sa tanang mga panig aron matapos na ang giyera apan wala niini gidetalye ang mga kondisyon.
Gipadayag pa niini nga ang mga Qataris ug mga Egyptians, naningkamot og maayo aron makab-ot na ang kalinaw dungan sa panghinaut nga unta, dawaton kini sa Hamas aron dili na musamot pa ang giyera.
Madumdumang naglusad ang Israel og military campaign sa Gaza human ang pag-atake sa Hamas niadtong Oktubre 7, 2023 kondiin mi-abot sa 1,200 ka mga tawo ang napatay.
Sukad niadto ug hangtud karon, mi-abot na sa 56,647 ka mga tawo ang napatay sa Gaza, base na sa pagkumpirma sa health ministry sa Gaza nga gidumala sa Hamas. Wala pa’y klaro kung dawaton sa Hamas ang mga kondisyon alang sca ceasefire.
