BUTUAN CITY – Gipadayag ni United States President Donald Trump nga gusto niyang mulambigit sa pagpili og sunod nga supreme leader sa Iran, dungan sa subling pagbutyag sa tinguha niyang hatagan og pag-ila ang bag-ong liderato nga higala ngadto sa Estados Unidos sulod sa Iranian ruling system.
Mipadayag na sa iyang pagsupak ang US president ngadto sa pagtudlo sa anak sa gi-assassinate nga si Supreme Leader Ali Khamenei nga si Mojtaba, aron muhulip sa gipatay niyang amahan.
Gipadayag niining nag-usik usik lang sa panahon ang mga Iranians rason nga kinahanglang ilambigit siya sa pagtudllo og sunod nga lider.
Kung siya ang pabut-on, mas pilion niya ang lider nga susama kang Venezuelan President Delcy Rodriguez, nga maoy mihulip kang Nicolas Maduro human siya gidakop niadtong Enero.
Taliwa nga bise presidente siya ni Maduro, gitugutan ni Rodriguez ang Washington pagbaligya sa lana sa ilang nasud ug kunhuran ang petroleum supplies ngadto sa Cuba ubos sa hulga sa laing mga US strikes.
Balik-balik nga gipadayag ni Trump nga gusto niyang duna’y lider ang Iran nga susama kang Rodriguez.
