BUTUAN CITY-Gi-anonsyo ni United States President Donald Trump ang pagmugna og “Board of Peace” alang sa Gaza, nga nagtumong sa pagdumala sa temporaryong pagpangulo ug pagtukod pag-usab sa mga nadaot nga lugar human sa gubat tali sa Israel ug Hamas.
Lakip sa founding members niini sila si US Secretary of State Marco Rubio ug kanhi Punong Ministro sa United Kingdom nga si Sir Tony Blair.
Lakip na usan sa executive board sila si Middle East envoy Steve Witkoff, Jared Kushner, World Bank President Ajay Banga, Marc Rowan, ug US national security adviser Robert Gabriel samtang si Trump ang magsilbi isip chairman of the board. Gitudlo usab ang kanhi United Nation Middle East envoy nga si Nickolay Mladenov isip Board of representative sa mismong Gaza.
Ang maong board parte sa 20-point peace plan ni Trump. Gawas niini, mo mogna usab og International Stabilisation Force nga pangolohan ni US Major General Jasper Jeffers aron suportahan ang seguridad ug bansayon ang Palestinian police.
Subay niini, gitukod usab ang managlahing National Committee for the Administration of Gaza, diin usa ka 15-member Palestinian technocratic body nga pangulohan ni Ali Shaath aron tutkan ang pang-adlaw-adlaw nga operasyon sa teritoryo.
Kahinumdumang gipatuman ang US peace plan niadtong Oktubre sa miaging tuig ug anaa sa ika-duhag yugto na kini, diin naka focus sa reconstruksyon ug demilitarisasyon sa Gaza, lakip ang pagdisarma sa Hamas.
Bisan pamab, nagpabiling huyang ang kasabutan tungod adunay natala gihapong kagaubot ug base sa United Nations, nagpabiling grabe sa kahimtang sa kapin 2.1 milyo nga Palestino sa Gaza.
