BUTUAN CITY – Gi-anunsyo ni United States President Donald Trump nga tas-an sa iyang administrasyon ang taripa sa mga steel imports gikan sa 25-porsiento ngadto na sa 50-porsiento.
Sa iyang pagpamulong atubangan sa mga steelworkers ug iyang mga supporters sa usa ka rally sa gawas nga bahin sa Pittsburgh, Pennsylvania, gihulagway ni Trump ang iyang katapusang usbaw sa taripa isip bendisyon ngadto sa domestic manufacturing industry.
Kung unsa ang mahimong epekto niini sa free-trade deal tali sa Canada ug Mexico – o sa lahi nga trade deal nga gipatuman ngadto sa United Kingdom sa sayong bahin ning bulana, nagpabilin pang wala’y klaro. Wala usa’y klaro ang nature sa kasabutan tali sa Nippon Steel, ang pinakadako nga steel producer sa Japan, ug sa domestic company nga US Steel.
Gitawag ni Trump ang partnership niya tali sa duha ka mga kompanya isip usa ka “blockbuster agreement” ilabina nga wala pa sukad masukad nga duna’y 14-bilyunes dolyares nga investment sa steel industry sa Estados Unidos.
