BUTUAN CITY – Padayon nga mag hatag og seguridad ang mga kapulisan sa Surigao Del Sur hangtud ugmang adlawa ngadto na sa mga katawhan ingon man sa mga bisita sa nasagpit nga probinsya alang sa Bagong Pilipinas Serbisyo Fair.
Kini alayon na sa gihimong Bagong Pilipinas Serbisyo Fair sa Bislig City sa Surigao del Sur ning adlawa. Diin mi-abot sa kinatibuk-ang 600-milyunes pisos nga kantidad sa mga serbisyo, mga programa ug hinabang pinansyal sa gobyerno ang natunol ngadto sa kapin 90-mil ka mga benepisyaryo ang nalusad.
Sumala ni PCOL Harry Dominggo, ang Provincial Director sa PNP-Agusan del Sur, hugot ang ilang gipatuman nga siguridad sa maong kalihukan, ilabi na nga present ang mga kongresista sa mong probinsya nga sila si Surgao Del Sur 1st District Representative Romeo Momo SR. ingon man si Surgao Del Sur 2nd District Representative Johnny Pimentel. Anaa usab ang presinsya sa lain pang 80 ka mga kongresista kauban si House Speaker Martin Romualdez.
Sigon sa maong opisyal nga walay nahimong problema sa maong Serbiyso Fair, gawas na lamang sa bug-at nga dagan sa trapiko sa may Mangagoy Area tungod sa ka huot sa mga dalan niini.
Gawas sa nasangpit nga dagan sa trapiko, wala na matud pay laing nasinatian nga kakulian sa nasangpit nga gimbuhaton.
