-- ADVERTISEMENT --
BUTUAN CITY – Gipanghimakak sa White House ang mga reports nga adunay sakit si United States President Donald Trump human makita sa litrato nga adunay lagom ang iyang wala nga kamot samtang mitambong sa World Economic Forum sa Davos, Switzerland.
Sumala sa White House, tungod lang kini sa pagkabangga sa kamot sa pangulo sa kilid sa usa ka lamesa ug wala kini nagpasabot nga adunay hulga sa iyang panglawas.
Sigon ni Press Secretary Karoline Leavitt, wala’y lagom si Trump sa wala pa mahitabo ang insidente isip pagklaro sa padayong mga espekulasyon bahin sa panglawas sa 79-anyos nga pangulo.
Gipmugos sa administrasyon nga maayo ang kahimtang sa pangulo, human gibutyag kaniadto sa iyang doktor nga aduna kini “excellent” cardiovascular health.
