BUTUAN CITY – Himuon sa United Arab Emirates kon UAE ang trilateral talks tali sa Estados Unidos, Russia ug Ukraine aron mahunong na ang giyera sa Ukraine.
Sigon ni Ukrainian President Volodymyr Zelensky, mao kini ang ilang nahisgutan ni United States President Donald Trump sa Davos, Switzerland.
Sigon usab Trump, si US envoy Steve Witkoff mao ang moadto sa Russia aron makigpulong kang Russian President Vladimir Putin kuyog ang umagad ni Trump nga si Jared Kushner ug sigon usab ni Zelensky, kinahanglan andam usab ang Russia sa pagkompromiso, dili lamang sila.
Samtang gipadayag usab ni Trump, nga muadto na sa Russia ang delegasyon sa United States aron i-asdang ang ceasefire sa ingon hingpit nang matapos ang giyera.
Mahinumduman nga ilalom sa 20-point plan sa Amerika, iatras ni Zelensky ang ilang mga sundalo og hangtod 40 kilometro gikan sa 25% sa Donetsk Region nga kontrolado sa Ukraine aron makahimo og economic zone sa rehiyon sa Donbas, nga kinahanglan usab nga buhaton sa Russia.
