BUTUAN CITY – Gibana-banang mu-abot sa 47,800-pisos nga balor sa 7-gramos sa suspected shabu ang nakumpiska sa mga otoridad sa gilusad nga drug-buy bust operation kaganinang alas-dos sa kaadlawon sa Noebell Lodge, sa may 7th St., Guingona Subdivision, Brgy. J.P Rizal, ning siyudad sa Butuan.
Nakuha kini gikan sa posisyon ni Jeffrey Mante Calaycay alyas Bebot, 45 -anyos, usa ka trisikad driver, og residente sa P-4, Brgy Baan, Riverside, ning siyudad.
Apil sa nakumpiska ang unom ka transparent plastic sachet sa suspected shabu ug buy bust money balor 9-mil pisos nga gilangkuban sa tiuod nga usa ka libo ka pisos ug 8-mil pisos nga boodle money.
Nakuha usab gikan kaniya ang kolor itom nga pouch; usa ka touch screen cellular phone ug mga drug paraphernalia.
Gikostudiya na sa City Drug Enforcement Unit sa Butuan City Police Office ang nadakpan ug ang nakumpiskang mga ebidenmsya alang sa tukmang disposasyon.
