BUTUAN CITY – Gikumpirma ni Brgy. Agusan Pequeño, Butuan City Kagawad Julius Jumunong nga ilang nadakpan kagahapon sa ala-una sa hapon ang usa ka tricycle driver nga taga-Purok Silangan nga naglatagaw taliwa sa kasayuran niining nagpositibo sa COVID-19 niadtong Sabado pa sa buntag ang iyang ka-uban sa balay.
Sa eksklusibong pakighinabi sa Bombo Radyo Butuan, gibutyag sa barangay kagawad nga human nagpositibo sa rapid test niadtong Huwebes, gipa-ilalom gilayon kini sa swab test og nakumpirmang positibo kini sa coronavirus niadtong Sabado sa buntag.
Tungod niini, gimanduan gilayon sa mga barangay officials ang pamilya niini nga dili na mugawas sa ilang balay dayong hangyo sa mga silingan nga mag-amutay alang sa ilang pagkaon rason nga nahatdan sila og 10-kilos nga bugas og napalitan pa og balor 500-pesos nga sud-an.
Apan dako na lang ang ilang kadismaya human nabantayan sa mga silingan nga migawas kini rason sa padayon nilang pagpangita hangtud nga na-abtan nila kini sulod mismo sa balay sa silingan pa ni Kagawad Jumunong ug ila kining gipapa-uli ug gibaharang dili na usbon ang gihimo.
Tungod niini, i-rapid test ang maong driver ug ang tanang membro sa iyang pamilya apil na ang amo niini ug iyang pamilya human nakumpirmang nakadalikyat kini sa ilang pinuy-anan og nagbuhi pa og mga pulong nga amungay na matud pa ang mahitabo.
