BUTUAN CITY – Mag-atubang og kasong murder ng usa ka suspek sa natigayong pagpangluba-patay pasado alas 8:30 sa miaging gabii sa may Purok 1, Brgy. Ilihan, Sibagat, Agusan del Sur.
Naila ang suspetsado nga si SHALITO CURAYA CAÑETE, 46-anyos, taga Purok 6, sakop sa maong barangay samtang ang biktima mao si DANILO PANGANDIAN PALMES, 64-anyos, usa ka tricycle driver nga residente usab sa maong barangay.
Sumala sa impormasyong nakalap ning sibyahan, samtang nag-ayo matud pa ang biktima sa iyang portable speaker sa balcon sa iyang panimalay sa dihang kalit nga miabot ang suspek bitbit ang kutsilyo ug sa walay paglangan giluba sa dughan ang biktima.
Gisulayan pa pag dala sa balay- tambalanan ang biktima apan gideklarang dead on arrival sa doktor nga mihiling kaniya. Sa karun gisuta pa ang motibo sa maong kremin.
