BUTUAN CITY – Padayon ang imbestigasyon sa kapulisan sa natigayong pagpamusil-patay kagahapon sa Barangay Poblacion, Trento, lalawigan sa Agusan Del Sur diin ang biktima usa ka tribal chieftain.
Gi-ila ni Police Major Regino Precioso Jr., hepe sa Trento Municipal Police Station, ang biktima nga si Romulo Duron, residente sa Purok-7, Barangay Paradise sakop sa maong lungsod ug tribal chieftain sa Sta. Josefa, Agusan Del Sur.
Saysay pa ni Police Major Precioso sa eksklusibiong pakighinabi sa Bombo Radyo Butuan, kuhaon unta sa biktima ang disesyon sa korte human midaug sa kasong iyang gi-atubang kauban niadtong higayona ang iyang asawa nga nagpa-prenatal sa kasikbit nga Rural Health Unit.
Migawas sa ilang imbestigasyon nga naglingkod lamang matud pa ang biktima dihang gidool sa luyo sa wala mailang naka-facemask nga suspetsado nga gikan sa likod og dayung pusil sa makaduha ka higayon diha sa iyang ulo nga milapos sa nawong og miresulta sa iyang hinanaling kamatayon.
Nasayran nga duna’y nakabangi ang biktima sa yuta nga miresulta sa kinasuhay.
Plano ni Police Major Precioso nga makig-estorya sa mga barangay officials og Hepe sa Sta. Josefa aron masayran ang background sa biktima.
