BUTUAN CITY – Padayon pa ang imbestigasyon sa kapulisan sa Cabadbaran City sa lalawigan sa Agusan del Norte sa natigayong pagpamusil-patay sa usa ka tribal chieftain kaganinang alas-siete sa buntag sa Brgy. Cumagascas sakop sa maong siyudad.
Gi-ila ni P/Chief Insp. Glenn Sampaga ang biktimang si Datu Rusty Pasan Purugoy, tribal chieftain sa lungsod sa Santiago ning lalawigan.
Sa pakighinabi ning sibyahan, gibutyag sa opisyal nga base sa asuy sa mga nakasaksi, sakay matud pa sa iyang motorsiklo ang biktima padulong sa iyang trabaho sa lungsod sa Santiago dihang gipusil siya sa nagsunod nga tulo ka mga lalaking sakay usab sa motorsiklo.
Ang iyang posisyon isip tribal chieftain maoy usa sa gitutukang mga anggulo sa nasangpit nga hitabo. (Beth Ruiz)
