BUTUAN CITY – Sa pinasahing sitwasyon, gikagubtan karon sa social media ang pipila sa mga bag-o ug progresibong pisohan sa nasod sa Italya, dili tungod sa kapit-os sa pasilidad niini, o sa krimen sulod sa maong bilanguan, kundili sa lawak niining gitagana alang sa mga mobisita sa mga piniriso — asa mamahimo silang maka romansa.
Lakip sa maong prisohan nga dunay lawak pang-romansa mao ang Rebibbia Prison sa Roma, ingon man ang Bollate Prison sa Milan.
Pormal nga gitawag ang maong mga lawak isip ‘family visitation rooms’ o ‘affective rooms’.
Sumala sa mga otoridad nga gitugot sa maong mga lawak ang tiunayng pakigdait sa mga hinigugma sa mga inmates nga mobisita kanila.
Usa sa panlantaw sa moang mga lawak ang masuportahan ang tawhanong katungod sa mga piniriso, ingon man ang indibidwal nga rehabilitasyon pinaagi sa pagpreserbar sa lawasnong gugma sa pamilya tali sa piniriso ug kapikas niini sa kinabuhi.
Lakip sa anaa sa maong lawak ang gamayng katre, ingon man pansayan.
Apan alang sa seguridad, dili gina-lock ang maong lawak matag dunay mosulod niini. Ang maong lawak, alang lamang sa mga inmates nga dunay tarong nga track records, ingon man limitado lamang usab partikular niadtung mga inmates nga dunay taas nga sentensya.
