BUTUAN CITY – Igo na lang gi-report sa pamilya Lariosa ang pagkakaplag sa ilang kabanay nga wala nay kinabuhi kagahapon sa alas-8:30 sa buntag kilid sa sapa sa Brgy Manoligao, lungsod sa Carmen, Agusan del Norte.
Naila Ang biktimang si Rolando Maglasang Lariosa, truck driver kinsa gituhoan nga nalumos sa Purok 1, sa maong barangay.
Gika-ingong midangop matud pa sa ilang buhatan ang igsoon sa biktima nga si Melanie Paican 34 anyos, nagpuyo sa District 11, Macopa, Brgy. Pob. Carmen aron itaho ang maong insidente.
Katapusang nasigpatan ang biktima ning mi-aging adlaw, Pebrero 5, nga nag-ayo sa tangkal sa baboy ug wala na dayon kini maka-uli sa ilang pinuy-anan hangtud nga napalgan na lang ang iyang patay’ng lawas kagahapon kilid sa sapa nga wala nay kinabuhi.
Posible matud pang gi-atake sa hypertension ang biktima nga maoy hinungdan sa iyang kamatayon.
