BUTUAN CITY – Gikonsidera ni Isaias Genorga, Secretary General sa Pinagka-isang Samahan ng mga Tsuper at Opereytor Nationwide kon Piston-Caraga, nga nagmalampuson ang gipahigayong transport strike kagahapong adlawa.
Kini human gibutyag nga 90 porsientong naparalisar ang biyahe sa Butuan City samtang 60 porsiento usab sa Surigao City.
Sigon ni Genorga, malipayon kaayu sila sa nakitang pagkahiusa sa tanang transport sektor, mga drayber ug operator.
Pasabot pa niini, lakip sa magsagobang sa maong problema ang katawhang sumasakay dungan sa pagseguro nga motaas ang singil sa pamasahe ugaling hingpit nga mapatuman ang modernisasyon.
Sa laing bahin, giangkon ni Genorga nga dunay epekto sa ekonomiya ang ilang gihimu. Sumala pa niini, natay-og ang ekonomiya tungod sa strike nga nagpamatood lang sa kadako sa papel sa transport sektor diha sa katilingban.
