BUTUAN CITY – Patay ang usa ka trainee sa Philippine Marine Corps samtang nagpailawom kini sa swim training sa Ternate, Cavite.
Base sa imbestigasyon sa kapulisan, nawad-an og panimuot ang biktima samtang anaa sa tunga-tunga sa nasangpit nga training. Subay sa imbistigasyon, daling gidala sa balay tambalanan ang maong trainee apan nakabsan na kini sa iyahang kinabuhi.
Matod sa mga kauban sa biktima nga mga trainees usab, walay nahitabong hazing o pang-abuso tungod kay nakatutok lang matud pa sa physical conditioning ang training.
Gikumpirma sa kapulisan nga luwas ug maayo ang mga pasilidad sulod sa marine base pinaagi sa ocular inspection. Nagpaabot na sa ilang pahisubo sa pamilya sa namatay ang Philippine Marine Corps. Sa kasamtangan, gipaabot pa ang resulta sa autopsy nga himoon ngadto sa biktima.
