BUTUAN CITY – Gimando na ni Tandag City Mayor Roxanne Pimentel ang pagsuspende sa trabaho karong adlawa sa mga pribado ug pampublikong trabahuan aron makapangandam sa tagsa-tagsa ka panimalay ang tanang Tandaganons ug maseguro ang kaluwasan sa matag-usa.
Dungan kini sa iyang pagdeklarar og pre-emptive evacuation sa tanang mga residenteng duol sa dagat aron masiguro ang ilang kaluwasan samtang wala pa muhapak ang bagyong Auring.
Alayon niini, gimanduan sa mayor ang tanang mga ahensya ug buhatan sa gobyerno nga muresponde sa kalamidad ug emerhensiya. Sayo usab kaganina, gisusi pa sa mayor ang quick responses sa kabaranggayan dayong susi sa kahimtang sa nanghikling na nga mga pamilya sa may Jacinto P. Elpa National High School.
Apil sa mga gihikling na kagabii ang mga namuyo sa coastal barangays tungod sa kusog na nga huros sa hangin.
