BUTUAN CITY – Suspendido ang trabaho sa gobyernong buhatan lakip na ang klase sa mga pampublikong tunghaan ning siyudad sa Butuan karung adlawa, Nobyembre 2 tungod sa pag-obserba pa sa adlaw sa mga patay.
Sigon ni Eldy David – information officer sa Butuan City local government, nagpagawas na og excutive order number 38 si Butuan City Mayor Ronnievic Lagnada alang sa suspensyon sa klase og trabaho sa ingon mahatagan pa og higayon ang ubang wala pa makadalikyat sa lubnganan sa ilang mga mahal sa kinabuhi.
Apan giklaro sa tigpamaba nga dili apil niini ang mga departamento nga naghatag ug basic social and health services, disaster risk ug emergency services sama sa City Social Welfare and Development kon CSWD, City Health Office, Butuan City Medical Center ug City Disaster Risk Reduction and Management Office kon CDRRMO.
Ang nasangpit nga mga departamento maoy frontline ning paghandum sa adlaw sa mga patay diin dunay gipangbutang nga mga personahe sa matag-opisina aron makaresponde sa panginahanglanon sa katawhan. (Rolan Janea)
