BUTUAN CITY – GIpasakaan na og mga kasong paglapas sa Sections 5 ug 11 ilawom sa Article 2 sa Republic Act 9165 ang usa ka tour guide sa Siargao Island human kini nakuhaan og mga ginadiling druga atol sa drug buy-bust operations kaganinang alas-2:30 sa kaadlawon.
Naila ang drug personality nga si Niño Sumalinog Ruiz, 40-anyos, usa ka professional licensed teacher ug residente sa Brgy. 1, Siargao Island, lungsod sa General Luna, Surigao del Norte.
Nakapalit ang ginsakpan sa Philippine Drug Enforcement Agency kon PDEA-Caraga og tulo ka tableta sa Estacy balor P6,00000; 14 ka plastic sachets nga duna’y sulod nga mga marijuana chocolate bars nga mitimbang og 70-gramos balor P170,000.00 pesos; 4 ka sachets nga duna’y sulod nga Marijuana Kush kondiin ang matag-round sachet mitimabang og 8-gramos nga mikantidad og P40,000.00; usa ka round sa color blue plastic sachet sa Marijuana Kush nga mitimbang og less 0.4 gramos balor P2,500.00 ug uban pa.
Ang usa sa mga nadakpan nakuhaan og pito ka tag-P1,000.00 nga buy-bust money, gawas pa sa cellphone, salaping cash nga P850.00 ug uban pa.
