BUTUAN CITY – All set na ang mga kalihukang himuon sa lungsod sa Buenavista, Agusan del Norte alang sa Tortosa Festival 2024.
Sigon sa tigpamaba sa Buenavista government nga si Glen Jaen, usa sa ilang gipangandaman ang Miss Tortosa pageant nga himoon karong Hulyo 23 samtang sa 24 usab ipahigayon ang street dancing competition diin tema sa kompetisyon ang lokal nga mga indigenous people kon IPs sa ilang lungsod.
Magpahigayon usab sila og jamming sa mga rakista, usa ka konsyerto diin invited ang mga national artists sama nila ni Jireh Lim, Noel Cabangon.
Duna usay daghan pang mga kalingawan ingon man mga pa-ugnat sa kusog.
Kahibaloan nga ang Tortosa Festival, kinutlo gikan sa orihinal nga pangalan sa lungsod ug gikuha usab sa grupo sa mga bao kansa abunda sa maong lungsod kaniadto.
