BUTUAN CITY – Pormal nang gitapos ang Top Level Management Conference 2025 kagahapong adlawa, kansa nag-highlight sa pagkadominante ingon man sa mga nakab-ot nga kada-ugan sa Bombo Radyo Philippines.
Gitapok sa maong konperensiya ang mga senior officers, area managers, ingon man ang mga station managers, sa pagpanguna ni chairman ni Dr. Rogelio M. Florete, ug President and Chief Executive Officer Ms. Margaret Ruth C. Florete.
Nagtangag kini sa temang “Leader of unmatched innovation in radio revolution’. Lakip sa highlight sa maong kalihukan ang commitment sa network sa paghatod og mga nag-unang programa, contents, ug exceptional brand sa public service.
Hatud sa usa ka semanang brainstorming ang plataporma sa mga lideres sa Bombo Radyo alang sa paghisgut sa mga estratihiya ug mga inobasyon alang sa kalambuan pa sa mga programa ug operational excellence sa network.
Tumong sa mga kaalam nga gipa-ambit sa maong konperensiya ang pag-empower sa mga opisyales sa network alang sa paghatud sa mission sa Bombo Radyo pinaagi sa pinaka-masaligan ug tukmang impormasyon ngadto sa mga Pilipino sa tibook kalibutan. Lakip sa giselebrar sa maong konperensiya ang subli na usab nga pagdomina sa Bombo Radyo Philippines sa industriya isip “most trusted radio network in the Philippines” kansang ebidensya mao ang tulo ka mga independent surveys.
Gidomina sa Bombo Radyo Philippines ang radio industry human gi-ila isip “most trusted radio network in the Philippines” sa tulo ka mga surveys sa Tugon ng Masa (TNM) Fourth Quarter Survey pinaagi sa OCTA Research nga gihimo niadtung Nobyembre 10 ngadto sa 16 ning nakalabayng tuig 2024.
Respondents sa maong nationwide survey ang 1,200 ka mga hamtung nga mga Pilipino kansa nagtudlo sa Bombo Radyo isip nag-una nilang tuburan sa mga tukmang balita ug impormasyon ingon man kalingawan.
Lakip sa mga ebidensya ang Pahayag End-of-the-Year Survey nga gihimo sa Publicus Asia, Inc. kansa nag-ila sa Bombo Radyo isip “the most trusted radio network” diin makanunayong naientina ang high trust ratings sa kategorya sa Radyo.
Dugang niini ang National Survey on Media and Information Literacy of Filipino Youth sa Philippine Information Agency kon PIA, kansa nagbutyag nga nanguna gihapon ang Bombo Radyo isip “most trusted News and Information Source” sa Pilipinas.
Gihimo ang Top Level Management Conference 2025 sa Iloilo City sugod niadtung Enero 5 hangtud 11, ug bugtong ang Bombo Radyo Philippines lang ang nag-finance ug wala’y political sponsorships o kaha mga solicitations gikan sa bisan unsa mang affiliations alang sa nasangpit nga kalihukan lakip na sa pagkaon ug logistics niini.
Nasayrang suportado ang dedikasyon sa Bombo Radyo Philippines sa intigridad sa pagmantala, inobasyon, ingon man sa community engagement pinaagi sa 32 niini ka mga fully digitalized AM ug FM stations gikan sa Luzon, Visayas, ug Mindanao.
Pinaagi sa kaalam ug liderato sa mga front-liners sa Bombo Radyo, uban sa hands-on expertise niini, la-umang magpabilin gihapon ang Bombo Radyo Philippines isip “the Number One and Most Trusted Radio Network in the country.” Basta Radyo… BOMBO!
