BUTUAN CITY – Gipanganlan na sa Fanvue ang top 10 sa Miss AI pageant, kansa usa ka indigay sa kaanyag alang sa mga AI-generated female models. Ang maong pageant hukman pinaagi sa ilahang kagwapa, social media clout, ingon man ug giunsa sa ilahang mga mambubuhat ang nagkalain-laing AI tools.
Ang maong beauty pageant, giheld sa usa ka subscription-based platform diin mamahimong madag-an sa nasangpit nga mga avatars ang $20,000 nga premyo, ingon man ang $5,000 alang sa mga creators niini.
Anaa sa 1,500 ka mga AI’s ang gisubmitar alang sa nasangpit nga pageant, apan sa karon, anaa nalang sa top 10 ang nabilin nga pagapilian sa maong pageant.
Una sa listahan si Aiyana Rainbow sa nasod nga Romania, kansa ang nag-una niining adbokasiya ang pagdawat sa mga miyembro sa LGBT.
Nagsunod niini si Anne Kerdi sa nasod nga France, kansa adbokasiya niini ang torismo, historya, kultura, ingon man pagkaon sa Brittanny, France.
Si Olivia C usab sa nasod alang sa Portugal kansa usa ka AI traveler og ginapromote niini ang panag-uyon sa mga tawo ingon man sa mga AI.
Nagsunod usab niini si Kenza Layli (Morocco) kansa dunay 190-mil ka followers online.
Dili usab magpapiri si Aliya Lou sa Brazil, kansa usa ka Japanese-Afro-Brazilian Artist.
Si Zara Shatavari usab ang pambato sa India kansa usa ka endorser sa natural supplement product.
Lakip usab sa top 10 si Seren Ay, kansa maoy pinaka unang AI Ambasador sa Turkey.
Kauban niini si Asena IIik sa susamang nasod nga kansa ginapamatud-ang mamahimong malampuson nga modelo ang usa ka indibidwal bisan kon dili niini gamiton ang pakighilawas.
Pang siyam sa lista si Eliza Khan sa Bangladesh, kansa gidesnyo matud pa nga mamahimong “quirky” sama sa ubang mga AI.
Katapusan nga finalist ang Pranses gna si Lalina.
Himoon ang pagkorona sa modaug sa maong pageant sa sunod nga bulan.
