BUTUAN CITY – Sayod ang tanan nga kung gugma ang hisgutan, labangon ang tanan..masunod ka lamang!!!
Kini ang gipamatud-an sa maghinigugmaay nga sila Andeng, usa ka tomboy ug ang transgender woman nga si Jackie.
Silang duha wala magdahom nga mahigugma sa usa’g usa dihang nagkahimamat sila human misalmot si Jackie sa usa ka beauty pageant diin didto siya nakita ni Andeng nga nakadayeg sa iyang ka-anyag.
Dili matud pa dali ang journey sa ilang relasyon tungod sa kadaghan sa ilang gisagubang nga mga diskriminasyon, apil na ang init nga mga pagsaway sa mga marites. Apan taliwa sa maong mga hagit, nagpabilin silang lig-on tungod sa ilang tinuod nga gugma sa usa’g usa hinungdan nga gipili nilang mag-uban pagpuyo.
Miresulta kini sa pagmabdos sa tomboy nga si Andeng nga proud pa kaayong gipakita sa social media ang iyang baby bumps ug karon, duna na sila’y usa ka cute kaayong anak.
Gipamatud-an nila Andeng ug Jackie nga ang gugma, wala’y gipili nga sekso tungod kay bisan unsa pa man ang imong gender orientation, mudaog gayod ang TRUE LOVE!
