BUTUAN CITY – Padayon ang pag-imbestiga sa insidente nga naglakip sa pagkasangad sa tanker nga MT 168 sa baybayon sa Poblacion 1, Burgos, Surigao del Norte. Gipasiguro na usab sa Protected Area Superintendent kon PASU ang mga detalye sa tripulante ug sa SIPLAS Protected Area Map aron masuta ang posibleng kadaot sa protektadong lugar.
Sumala sa kapitan sa barko, ang tanker milutaw human sa depekto sa makina ug ang angkla niini mitungtong mga 10 metros gikan sa coral area samtang paingon matud pa kini sa Homonhon, Leyte.
Nakig-alayon ang Philippine Coast Guard alang sa towing operations ug naghulat og reinforcement ug tugboat gikan sa Surigao City, samtang nagpadayon ang surveillance sa baybayon kansa nagpakita nga wala’y fuel leakage ug normal ra ang konsumo sa gas.
Ang barko ipahimutang sa Dapa aron masuta pa pag-ayo ang sitwasyon, ug adunay underwater assessment nga buhaton aron mahibaw-an ang extent sa kadaot sa coral ug habitat nga ipresentar sa Protected Area Management Board kon PAMB alang sa dugang aksyon.
Gipahibalo usab sa lokal nga kagamhanan sa maong lugar, nga ang insidente dili angay i-tandi sa lokal nga folklore bahin sa Cogiton o Bipdok City, samtang nagpadayon ang koordinasyon sa LGU Burgos uban sa Municipal Disaster Risk Reduction and Management Office, Municipal Agriculture Office, Municipal Environment and Natural Resources Office, Municipal Planning and Development Office ug Public Information Office.
