BUTUAN CITY- Kusganong gisalikway sa Iran ang tanyag nga 15-point peace plan sa Estados Unidos, taliwala sa nagpadayon nga tensyon tali sa duha ka nasud.
Sumala sa tigpamaba sa militar sa Iran, ang Washington nagkig negosasyon sa ilang kaugalingon ug nagpagawas og maisugon nga mensage kalabot sa maong sugyot.
Base sa mga taho, naka-abot ang nasangpit nga plano sa Tehran pinaagi sa bansang Pakistan, kansa kasamtangang nagrepresentar isip intermediary.
Bisan paman wala pa gipublik ang tibuok detalye sa dokumento, gitaho nga gi-unoran kini og kondisyon nga buwagon sa Iran ang ilang mga nuclear facilities.
Hulip matud pa niini ang hingpit nga pagtangtang sa mga gipahamtang nga sanctions batok sa ilang nasud. Sukwahi usab sa nahimong reaksyon sa Iran ang pagtuo ni US President Donald Trump.
Niadtong Martes, gi-insistar sa Presidente nga gusto sa Tehran nga adunay kasabutan kasunduan. Samtang, usa ka ministro gikan sa Israel ang mipadayag og pagduha-duha sa nasangpit nga lakang.
Sa usa ka interview, sigon niini nga ang sugyot sa US, beautiful on paper, apan dako ang posibilidad nga bisan kanusa man dili kini uyonan sa Iran.
Sa laing bahin, bisan pa sa nagkagrabe nga diplomatikong panaglalis, giklaro sa misyon sa Iran ngadto sa United Nations (UN) nga ang mga barkong dili kaaway mahimo gihapon nga moagi sa Strait of Hormuz.
