BUTUAN CITY – Tungod sa pagka-shock, gi-share sa usa ka doktor sa Sao Paulo, Brazil, ang gitawag niyang usa sa pinakangilngig nga X-rays nga iyang nakita, ang lawas sa tawo nga napuno og mga itlog sa mga calcified tapeworms – ang mga parasites nga magpuyo ilalom sa tinai sa ilang host, ug suyupon ang mga nutrients direkta gikan sa gut.
Gamay lang matud pa ang nasayod nga ang mga tapeworm eggs maka-abot sa bisan asang parte sa lawas sa ilang host gikan sa tiil ngadto na sa utok nga kung pasagdan, managhan ug delikado tungod kay mao unya kini ang hinungdan sa hulga sa kinabuhi nga kondisyon nga gitawag og neuro-cysticercosis, kung maka-abot na sa utok.
Sigon ni Dr. Sam Ghali, espesyalista sa cardiovascular emergencies ug emergency radiology, nakurat siya sa resulta sa x-ray sa pelvic area sa iyang pasyente tungod sa kadaghan sa mga puti nga spots nga nakumpirmang iya sa mga tapeworms nga na-stock na sa mga soft tissues sa iyang lawas.
Nasayran lang kini dihang nakasinati na og grabeng kasakit ang pasyente diha sa iyang bat-ang. Tungod niini, tambag niya sa tanan nga likayan na ang pagkilaw og isda ug kadtong dili kaayo luto nga karne.
