BUTUAN CITY -Mi-ani og padayeg gikan sa mga netizens ang usa ka magtutudlo sa Bunawan, Agusan del Sur human nagpa-breastfeed sa usa ka batang masuso nga nagsige ang og hilak gawas sa Mall.
Sumala ni Jeralyn Gubalani, nagtudlo sa Libertad National High School sa Bunawan, Agusan del Sur, malipayon siyang nakatabang sa batang masuso pinaagi sa pag-breastfeed niini human nga wala’y undang ang paghilak ug daw wala na masayod ang inahan sa angayang buhaton.
Nasayrang naghulat siya sa iyang bana gawas sa mall dihang nakita niya ang usa ka inahang nagkugos sa iyang anak nga nagsige lang og hilak ug isip usa ka inahan ug ga-breastfeed usab sa iyang anak, wala na siya magduha-duha pa pagpasuso sa bata kins dali usab nga mihilim.
Nakuhaan kini og hulagway ni Gina Borbor ug gi-post sa social media diin mi-ani kini og mga positibong reaksyon gikan sa mga netizens.
Dugang sa pa magtutudlo, nakahilak siya dihang nakita ang bata kondiin milungtad og pito ka minuto ang iyang pagpa-breastfeed sa bata.
Samtang mipasalig na ang Municipal Social Welfare and Development (MSWD) sa maong lugar nga adtoan s ilang personahe ang pinuy-anan sa mag-inahan aron ma-assess ang panginahanglanon sa ilang pamilya ug mahatagan sa ilang mga gikinahanglanon ilabina sa mga food items sa ingon ma-apil sa ilang mga programa.
