BUTUAN CITY – Gikustudiya na karun sa kapulisan ang usa ka magtutudlo nga nasikop human gipatuman ang warrant of arrest kaganinang alas 12:10 sa udto sa may Barangay Bioto, Tandag, Surigao Del Sur.
Naila ang suspetsado nga si Alexander Escalante Perez, 54-anyos og ka DepEd-Teacher nga taga Manlapsu, Barangay Magroyong sakop sa lungsod sa San Miguel, Surigao Del Sur. Gihimu ang operasyon sa hiniusang puwersa sa Tandag Municipal Police Station og San Miguel Municipal Police Station.
Bitbi sa mga niini ang warrant of arrest sa kasong paglapas sa RA 7610 o Anti Child Abused Law nga nakalatid sa criminal case number 7550-18 nga gi-isyu ni Hon. Edwin Malazarte, Presiding judge sa Regional Trial Court, 11 judicial Region branch 7 sa may Tandag City niadtong Hunyo 20. 2018 ug dunay piyansang muabot sa 120-mil pesos alang sa temporaryong kagawasan.
