BUTUAN CITY – Giahndom ni Asia’s Nightingale Lani Misalucha ang pakigbisog niini sa bacterial meningitis niadtong 2020, kansa nakaapekto sa iyang pandungog ingon man sa iyahang tingog.
Sumala sa singer nga nagpabiling pareho ra ang kalidad sa iyang tingog, ug wala matud pa kini mausab bisan pa sa duha ka dekada na niining kumanta sa entablado.
Sumala ni Lani nga ‘strugle’ matud pa alang kaniya ang nasangpit nga sakit niadtung 2021, apan ning kasamtangan, maayo na matud pa ang iyahang pandungog ug maka ila na siya og mga tingog sa mga tawo.
Nigawas ang maong pamahayag human sa usa ka media conference sa gitakda niining major concert kansa giulohan og “Still Lani,” nga ipahigayon sa The Theater at Solaire, Parañaque City karong Agosto 21, 2025.
Kabahin usab kini sa iyang ika-40 ka tuig nga selebrasyon sa industriya diin handumon sa singer ang mga mahinungdanong higayon niini uban sa pipila ka mga international music icons sama nila ni Celine Dion, Gladys Knight, ug mga fans ni Michael Jackson, ingon man ni Josh Groban.
Gipaambit niini ang iyang damgo nga makauban sila Celine Dion ug Barbra Streisand sa nasangpit nga konsyerto.
Sa kasamtangan, anaa karon sa U.S. si Lani uban sa iyang bana nga si Noli ug sa ilang duha ka mga anak.
