BUTUAN CITY – Gikumpirma sa International Criminal Court kon ICC nga si Kanhe Pangulong Rodrigo Duterte anaa sa ICC Detention Center sa Scheveningen, The Hague, Netherlands.
Base sa pamahayag sa tigpamaba sa International Criminal Court nga si Fadi El Abdallah, gibutang nila si Duterte sa detention facility human usab mipailalom sa tanang gikinahanglan nga medical check-up.
Isip standard practice, sa pag-abot sa suspek sa ICC Custody, mohimo og proseso ang korte aron maprotektahan ang panglawas og kaayuhan sa suspek.
Giawhag usab sa opisyal ang tanang partido nga respetuhon ang integridad sa judicial process. Samtang e-anunsiyo matud pa niini ang schedule sa inisyal nga pag-atubang ni Duterte sa korte.
Una nang Gibulgar ni kanhe Executive Secretary Salvador Medialdea nga wala sa International Criminal Court Detention Center si kanhe Pangulong Rodrigo Duterte sa dihang personal na unta niining duawon ang kanhe pangulo sa Schevenigen, The Hague para hangyoon nga kung mamahimo dalhon kini sa ospital.
Misugot matud pa ang ICC apan wala gipahibalo si Medialdea kung asa nga ospital kini gidala. Pamugos pa sa kanhe opisyal nga adiser pa man sila miabot sa The Hague gisultihan na niya ang ICC nga dapat dalhon ang kanhe pangulo sa ospital.
