BUTUAN CITY – Gihukmang guilty sa kasong murder ang duha ka mga kanhi Philippine Military Academy cadets samtang guilty usab sa hazing ang laing usa subay sa pagkamatay ni Cadet 4th Class Cadet Darwin Dormitorio niadtong Setyembre 2019.
Gilangkuban kini nila kanhi PMA 3rd Class Shalimar Imperial Jr.ug Felix Lumbag Jr., ug 3rd Class Julius Carlo Tadena.
Sa desisyon nga gipagawas ni Baguio City Regional Trial Court (RTC) Branch 5 Presiding Judge Ligaya Itliong-Rivera, gihukman silang tulo og reclusion perpetua kon tibuok kinabuhing pagkabilanggo tungod sa paglapas sa anti-hazing law.
Gipabayad usab sila Imperial ug Lumbag og tag-P185-K isip damyos samtang P2-million in damages kang Tadena. Una nang gihukman sa Municipal Trial Court for Cities Branch 1 sa Baguio si Tadena og lesser physical injuries samtang si Cadet 2nd Class Christian Zacarias sa kasong slight physical injuries niadtong 2023.
Namatay ang 20-anyos nga si Dormitorio niadtong Setyembre 18, 2019 grabeng injuries sa lawas nga iyang na-angkon tungod sa hazing nga gihimo sa mga upperclassmen ngadto kaniya.
