BUTUAN CITY – Giproseso na ang tukmang mga dokumento aron ma-enroll sa Enhanced Comprehensive Local Integration Program kon E-Clip ang 5 ka mga kanhe rebeldeng New People’s Army kon NPA nga misurender sa kapulisan sa Butuan City.
Kaganina lang gipresentar sa media ang lima ka mga nagsurender nga miyembro sa NPA diha sa Butuan City Police Office kon BCPO. Kini gilangkuban nila Alyas Tabol/Bunga/Dodong kansa team leader sa Squad Uno, SYP Sikop ilalom sa Guerilla Front Committee 4A; ang iyang asawa nga si Alyas Rosa/Dicket, aktibong miyembro sa maong grupo; og ilang mga anak nga sil Alyas Leo aktibong miyembro usab; Alyas Queen kansa supplier officer; og Alyas Jiho, team leader og platoon medic sa susamang grupo.
Bitbit sa ilang pagsurender ang 4 ka mga 38 nga pistola og usa ka Home Made Shotgun lakip na ang mga buhing bala.
Sa eksklusibong pakighinbi ning sibyahan kang Police Lt. Abel Bulawan, tigpamaba sa Butuan City Police Office, gibutyag niini nga tungod sa paningkamot sa kapulisan og ubang law enforcement agency, nahitabo ang pagsurender sa mga kanhe rebelde nga gusto na usab nga magbag-o sa kinabuhi.
Taod-taod na matud pa sila sa grupo sa NPA nga naglihok sa Agusan Del Norte nga sa inisyal nga validation nalambigit ang mga niini sa pagpangatang sa kadalanan, pagpang-ambush og pagpangsunog sa nagkalain-lang heavy equipment sulod sa probinsiya.
