BUTUAN CITY – Padayon pang gipangita sa mga otoridad ang naka-ikyas nga Person Deprived of Liberty (PDL) sa Agusan del Norte Provincial Jail bandang alas 5 ang takna sa hapon kagahapon, Agusto 5, 2025.
Gi-ila ni provincial jail warden Fermin Antenorio, ang maong PDL nga si Charlie Adlawon Rafael, taga-Brgy Simbalan, Buenavista, Agusan del Norte nga nag-atubang og kasong theft with homicide. Sumala sa opisyal, usa si Charlie sa mga strikers kon mga PDLs nga gisaligang maglabog og basura, adiser nahimong sinaligan tiglimpyo sa gawas.
Saysay sa opisyal, naka-ikyas ang maong piniriso dihang gipalabog na kini og basura kauban sa ilang escort. Nakakita lamang kini og binta dihang ni-una og sulod ang ilang team leader ug nangihi ang escort niini. , wala na matud pa nagpabuto ang maong dihang nasigpatang nidagan na ang maong tungod kay kablaayan man ang duol sa maong prisohan.
Daling gialerto sa Provincial Jail ang kapulisan ingon man kasundalohan mahitungod sa insidente. (AUDIO VIDEO OF LOKAL 1…CUE OUT….DIDTONG DAPITA).Ang pamahayag ni Fermin Antenorio, Warden sa Agusan del Norte Provincial Jail.
Sa kasamtangan, gipanawagan nalang ni Antenorio ang publiko nga daling isumbong sa mga kapulisan ugaling dunay mamatikdang kadudahang tawo, samtang, lakip usab niining gipanawagan ang mga kadagkuan ug lumlupyo sa Simbalan, Buenavista nga isumbong kung makit-an ang maong lalaki, dayong saad nga walay dautang mahitabo niini ugaling mo balik lang sa bilangguan.
