BUTUAN CITY – Giila na sa Federal Bureau of Investigation (FBI) ang ning sulay pagpatay ni kanhi US President Donald Trump sa Pennsylvania kagahapong adalwa.
Naila ang suspek nga si Thomas Matthew Crooks, 20-anyos ug residente sa Bethel Park, Pennsylvania, USA.
Kahibaloang usa kini ka nursing-home employee diin nagtrabaho isip dietary aid u gtig-andam sa mga pagkaon.
Ning gradwar ang nasangpit nga indibidwal sa Bethel Park High School niadtung 2022.
Sigon sa nakaila ni Crooks, kansa usa sa iyahang mga schoolmate naidtung nagtungha pa kini, ginabully matud pa ang maong assailant tungod sa panamit niini, ganahan matud pa magsuot og hunting outfit ang maong responsable sa pagpamusil.
Sumala sa imistigasyon sa US Secret Service, narehistro si Crooks isip Republican voter – kahibaloang ning dagan si Trump ilalum sa maong partido – ug gituohan usab nga wala kini kauban sa planong pagpatay kang Trump.
Nasuta usab nga ning gamit si Crooks og AR-15 Riffle sa maong panghitabo. Usa kini ka Automatic Riffle, ug ning gamit usab high-velocity bullets kansa triple ang kapaspason sa normal lang nga handgun kon pistola.
Nakatabang ang maong pusil sa gihimong krimen ni Crooks tungod kay usa sa kinaiyahan sa maong pusil, ang accuracy niini bisan kon layo ang target. Kahibaloang anaa man gud sa kapin kon kulang 150 meters ang gilay-on ni Crooks gikan sa podium asa namulong si Trump.
Kahibaloan nga adiser lamang mahatagan og M-16 riffle ang usa ka US Army kung makapar kini sa 150 meters markmanship training.
Narekober usab sa mga otoridad ang bomb-making materials sa sakyanan ni Crooks.
Namatay usab si Crooks human siya nahimong target sa mga kapulisan ingon man sa US Secret Service agents atul mismo sa pagpamusil niini.
Una nang gisaysay sa mga naka saksi nga daan na nilang nakita ang nasangpit nga assailant nga nagkamang sa atup asa niini gihimo ang krimen.
Luwas ra usab si Trum sa maong panghitabo apan napingsan ang tuo nga dalungan niini.
Patay usab ang usa ka audience tungod sa maong pagpamusil, ug kritikal ang laing duha pa.
